المقادير:500غ لحم الدجاج المفروم
القليل من المعدنوس مشلض
2ضروس الثوم
إيشالوط محكوكه
ملح
ابزار
كمون
تحميره
السودانيه
القليل من الحبق
القليل من العطريه ديال الدجاج مقلي
الطريقة:
كنخلطو المكونات كامله و نبداو نشكلو كويرات بحجم البرقوقه تقريبا و نبداو
نعمروها بقطعه صغيره من جبن الموتزاريلا و نسدو مزيان،ندوزوهم في البيض،ثم
الشابلور اليابانيه و لي متوفره حاليا في المحلات التجاريه الكبرى او
محلات بيع التوابل و بثمن مناسب، ثم كنعاودو نغمسوها في البيض ثم الشابلور
العاديه....نستمرو حتى نفاد الكميه،و منين نبغيو نقدموهم كنسخنو الزيت على
عافيه مهيله و نقليو الكروكيط على عافيه مهيله و نقدموهم سخان و بالصحه و
الراحة