مقادير العجين:
250غ دقيق
125غ سكر ڭلاصي
125غ زبدة
بيضة كاملة و صفار بيضة
1/2 معلقة صغيرة خميرة
ساشي سكر ڤانيلا
القليل من الملح
الطريقة:
الطريقة التقليدية لتحضير العجين المرمل؛نبسبسو الدقيق و الزبدة؛نضيفو المكونات الأخرى،و نضيفو البيض؛نجمعو العجين بلا ما ندلكوه،نغلفوه بفيلم غذائي و نخليوه يرتاح،من بعد نطلقو العجين بين جوج بلاستيكات،و نوضعوه في مول خاص بالطورطات مدهون مزيان بالزبدة و مرشوش بالدقيق،و نلبسوه مزيان للمول؛نتقبوه بفورشيط،و نخليوه،و نمشيو نحضرو الحشوة المكونة من كريما اللوز كالتالي:
200غ مربى المشمش أو البرتقال أو مربى الفواكه الحمراء
150غ بودرة اللوز
100غ سكر
150غ زبدة بحرارة المطبخ
3 بيضات
40غ نشا "مايزينا"
ساشي سكر الڤانيلا
1/2 ساشي خميرة
القليل من الملح
125غ رقائق اللوز للتزيين
الطريقة:
كنسرحو الكمية ديال المربى فوق العجين و نحاولو ندهنو حتى الجوانب؛ونمشيو نطربو البيض مع السكر مزيآآن،و نضيفو باقي العناصر،و نخلطوهم حتى يتجانسو و نكبوهم فوق العجين؛نزينو الواجهة برقائق اللوز،و ندخلوه للفرن على درجة حرارة 160°،في الأول غير من تحت و من بعد نشعلو الفوق باش يتحمر الوجه
و
نقدموها بالصحة و الراحة