بالنسبة للمرق :
ناخذ مطيشة وحدة و بصلة
متوسطة نحكهم بالحكاكة و نزيد عليهم ربطة القزبر و اللحم أو القديد -
معلقة صغيرة ابزار - معلقة كبيرة سكنجبير و معلقة كبيرة خرقوم - ربع كأس
زيت و الملح و نقلي مزيان و نروي بالماء سخون
ناخذ 500 غ بلبولة الشعير
100 غ بلبولة ايلان
100 غ بلبولة الخرطال
نغسلهم و نعملهم في الكسكاس يتقطر مزيان و نفورهم مزيان في الأول و قبل التفويرة الثانية نذهن مزيان بزيت العود و نزيد على المرق
500 غ فول
250 غ كرعة خضراء
فلفل حار
و يطيب الكل حتی تطيب الخضرة نعمل السمن او زيت العود و نسقي الكسكس ديالي و نزينها بالفلفل.
و بالصحة و الراحة.