المقادير و الطريقة:
ناخذ 2 ربيطات البقولة و ربطة السبانخ يتنقاو جيدا و يتقطرو جيدا من الماء و نقطعوهم رقاق.
و يتبخرو مع ضروس الثومة و فليلفلات صغار تقريبا ربع ساعة كنعملوها في مقلاة كبيرة و نزيد عليها زيت العود و كنحاول نمعس الثومة
نزيد ملح
كامون
فلفل أحمر
الحامض مصير
2 معالق كبار معدنوس
2 م ك قزبر
و نحرك مزيان حتى تنشف مزيان من الماء و في الاخير
نزيد عليها الزيتون الأحمر.
و بالصحة و الراحة.