كيك بالكرامبل و الفواكه الحمراء
 |
| كيك بالكرامبل و الفواكه الحمراء |
المقادير:
300غ دقيق
110غ سكر ڭلاصي
2 خمارات
2 سكر ڤانيلا
2 بيضات
2 ياغورت طبيعي (بحرارة المطبخ)
50غ زبدة (بحرارة المطبخ)
مقادير الكرامبل:
100غ دقيق
70غ زبدة (بارده و مقطعة طريفات)
4 معالق كبار سنيدة
الطريقة:
كنحضرو في الأول الكرامبل ديالنا،بخلط العناصر كلها مع بعضها،و نرملو الخليط،(يلا تشكلت لينا كرة واحدة ماشي مشكل) و نوضعوه في الثلاجة و نمشيو نحضرو خليط الكيك كنخدمو البيض و السكر مزيآآآان حتى كيضاعف الحجم ديالهم،نضيفو الياغورت،الزبدة دايبة،و الدقيق و الخميرة بعد ما نكونو غربلناهم و خلطناهم مع بعض،ندمجو العناصر كلها،و نوضعوها في مول بحجم 24سم،مدهون بالزبدة و مرشوش بالدقيق،نستفو حبات الفرومبواز طرية (إن توفرت) و نشتتو الكرامبل ديالنا من فوق،أو يلا كان طرف واحد نحكوه بالحكاكة الغليضة،ندخلو الكيك للفرن مسخن على درجة حرارة 180° و منين يوجد و يبرد نرشوه بالسكر ڭلاصي أو السكر ثلج و بالصحة و الراحة.